ليه تزور الإكوادور؟

محمد صعب
Dec 4, 2016
2 min read

الاكوادور ! الدوله تقريبا المكتومه والمظلومه في عالمنا بشكل عام !

رقم 1: الاكوادور بتمنحك تأشيره ف المطار لمده 90 يوم ,,*ف المطار ها مفيش سفارات ولا علي النت ولا حجز معاد ولا الكلام والعك دا * ادي كدا معندناش مشاكل ف الفيزا ! رقم 2: فرص العمل فيها متوفره ودا بأحصائيات مش انا الي بتكلم وهرفعلكم فيدو ف اخر كلامي عن الموضوع دا :D ! رقم 3: دوله مفيهاش اي نوع من انواع العنصريه نهائي ! يعني محدش هيبصلك علي انك لاجئ او جاي عبئ علي بلده ولا الكلام دا ! رقم 4: الشغل هناك 7 ساعات يوميا ! مفيش بقي يامعلم شغل 12 ساعه و14 ساعه والعبوديه الي كانت موجوده ف تركيا ومعظم دول العالم التالت الي بيسحولك فيها عشان كام مليم ف الاخر ملهمش اي لازمه:D *دول كتير زي تركيا وجورجيا واخدين اسامي علي الفاضي والله :D * رقم 5: :D عمله الاكوادور بقا يامعلم ! ودا الوحش الي بيفترس جميع العملات :D الدولار الامريكي هو العمله الاساسيه ف الاكوادور ^_^ رقم 6:الاقامه هناك سهله جدددددددا :D وسهل بردو تتجوز من هناك وتعيش والباسبور الاكوادوري صحيح بردو مش بيدخلك دول الاتحاد الاوروبي بس ع الاقل هيديك حريه التنقل لمعظم البلدان ولو قدمت علي تأشيره اوروبيه هيكون فرص قبولك احسن بكتير ممن لما يكون معاك باسبور عربي بشكل عام بأستنثاء طبعا الكواكب الشقيقه زي *قطر -الامارات -الكويت-السعوديه* :D رقم 7:اسعار البيوت هناك رخيصه ! يعني ممكن تاخدلك بيت لوحدك وفخم وتعيش ب200 دولار شهريا ! :D +ان راتبك ك عامل عادي بيبتدي من 500 دولار *ودا كلام من واحد هناك * رقم 8: اوروبا بقي فيها الي مكفيها ! يعني اصلا تلت اربع الي عايشين هناك بقوا بيشتكوا الفقر بجد ! انا بدخل الجروبات بستغرب من الكلام عن الي عايشين ف اوروبا ! وبعدين والله الاكوادور دوله كويسه للي عايز يستقر ويبني نفسه فيها ويعيش عيشه نضيفه ,, رقم 9 :ملهوش لازمه تقدم لجوء بردو هناك لان اللجوء مش هيعملك حاجه يعني ,,اخرهم ممكن يتكفلوا ب انهم يأكلوك بس ! انسانيه مش اكتر ,, مفيش رواتب ولا الكلام دا هيتصرفلك :D وغير كدا هتخش ف مشاكل لو اخدت انك لاجئ عندهم وعايز ترجع بلدك الام مثلا ! ممكن تتمنع من دخول الاكوادور نهائيا ويتسحب منك اقامه اللاجئ ! ولو ليك اقامه ايا كان نوعها بيبقي ليك تأمين صحي وليك انك تتعلم علي حساب الدوله بردو :) رقم 10 : 95 % من البلد ينتمون للديانه المسيحيه , رقم 11:اللغه الرسميه الاسبانيه , رقم 12 :مفيش عرب كتييير هناك يعني ممكن تلاقيهم كلهم علي بعض ميكملوش 50 فرد :D رقم 13 : ودي المشكله بقي ,,الطيرااااان غاااااالي جددددددددا جددددددددددا :D يعني ممكن تلاقيه ف حدود 23 الف جنيه ومعرفش بعد الاسعار الي عيلت دا هيقفل كام ! ممكن 25 الف و27 الف ! دي المشكله فعلا :D طيارنها غالي جدا بس دوله تستاهل ودوله نضيفه فعلا ! رقم 14 :التاشيره صحيح تمنح لجميع الدول العربيه فور الوصول ,,بس ماعدا (السورين -العراقيين -الفلسطنين -الليبين -اليمنين ,,والافغان)