إيه الفرق بين التصريح الأمنى و تصريح السفر؟
- travellerexperience
- Dec 3, 2016
- 1 min read
س. إيه الفرق بين التصريح الأمنى و تصريح السفر؟
ج. التصريح الأمنى حاجة متعلقة بالأمن و تبع وزارة الداخلية و بيطلع من مجمع التحرير
تصريح السفر حاجة خاصة بالموقف من التجنيد و بتطلع من منطقة التجنيد اللى إنت تابع لها
س. هل ممكن إستخراج تصريح السفر خلال الدراسة ؟
ج. تصريح السفر لغرض السياحة بيطلع فى الأجازات بس سواء نص السنة أو آخر السنة إلا فى حالة العمرة و زيارة الأهل.
س. إيه هى إجراءات إصدار تصريح السفر للطلبة؟
ج. بتاخد شهادة قيد من الكلية و تروح منطقة التجنيد التابع لها قبل الأجازة و بتطلع تصريح سفر و بيكون سارى خلال فترة الأجازة كلها ممكن تسافر فى أى يوم خلاله.
س. أنا طالب فى آخر سنة فى الكلية هل ممكن أطلع تصريح سفر؟
ممكن تطلع تصريح سفر فى أجازة نص السنة لكن غير مسموح فى أجازة آخر السنة
س. اللى معاه إعفاء نهائى من التجنيد لعدم لياقته طبيا هل بيحتاج تصريح سفر؟
مش بيحتاج تصريح سفر طالما أخد إعفاء نهائى
س. أنا تحت سن التجنيد و مكتوب فى الباسبور يسمح له بالسفر حتى تاريخ معين هل باحتاج تصريح سفر؟
ج. لا مش بتحتاج تصريح سفر
س. أنا فى سن التجنيد و حاصل على إعفاء مؤقت هل بأحتاج تصريح سفر و مدته أد إيه؟
ج. بتحتاج تصريح سفر بتاخد شهادة الجيش و صورة من الباسبور و البطاقة وبتروح منطقة التجنيد اللى إنت تبعها و مدة التصريح تلات شهور صالحة لسفرية واحدة أو عدة سفريات.
س. كنت مطلع تصريح سفر لجهة معينة و غيرت رأيى هل محتاج أغير التصريح؟
ج. لازم تطلع تصريح جديد.
س. أنا قضيت فترة التجنيد بس لسه فى الإحتياط هل بأحتاج تصريح سفر؟
ج. بتحتاج تطلع تصريح سفر لغاية ما تنتهى فترة الإحتياط
コメント