تركيا من الألف إلى الياء

1- الاوراق: الاوراق مش صعبه ومش محتاجه انكم تروحوا لمكاتب تدفعكم 150 ف 200 جنيه ولا 300 جنيه كمان دلوقت وهيا اصلا الاوراق كلها مبتاخدش طباعه اتنين جنيه وبتعملها وانت قاعد ع النت

-حجز طيران ,, /www.travelstart.com.eg/?language=ar&gclid=CPSIkpm80NACFcGfGwodQJEALQ&gclsrc=aw.ds&dclid=CLPzw5m80NACFU6sFgod540EFg تقدر تعمله من هنا ودا بيقعد لمده 24 ساعه وبعدين بيتلغي لوحده واختار الدفع نقدا عشان ميسحبوش منك فلوس من البطاقه اصلا ,,واطبع ورقه الحجز بتاعت الطيران ف وقتها ,, :3 انا عاملها لصديق ليا من 4 ايام واخد التاشيره الحمدلله النهارده :D عشان الناس الي بتطلع تهول وتحبط ع الفاضي وع المليان ,, -حجز فندق,,, http://www.booking.com/index.html… من هنا ,,واختار الالغاء المجاني والدفع عند الوصول ,, - بعد كدا نخش ع حجز الموعد بقي ,,وتكون مجهز صوره شخصيه خلفيه بيضا وصوره باسبورك ,,http://www.konsolosluk.gov.tr/Appointment/SearchAppointment ودا لينك حجز الموعد ,,, وادي الشرح https://www.youtube.com/watch?v=moPS-mMl8Ek ,, - كشف حساب بنكي لأخر 6 شهور ,, - لو رجل اعمال يبقي سجل تجاري وبطاقه ضريبيه ,,لو موظف يبقي جواب من جهه العمل موجه للسفاره التركيه ودا ممكن يضرب عادي :D مش قضيه ,,ولو طالب يبقي قيد دراسي *وبالعربي عادي مش هتحتاج تترجم حاجه* ,, وبس كدا -اه فيه كمان تأمين صحي ,,بس خلي التأمين لما الموظف ياخد الباسبور ويقولك ع الرسوم ,,وقتها تطلع فيه مكاتب قدام السفاره او القنصليه بتعمل التأمين وانت واقف علطول وبتروح تقدمه مع الرسوم ,,ومبروك عليك التاشيره بتاخد وصل استلام ,, ________ 2-المقابله ف السفاره :

نظم ورقك ,,لبس نضيف ,,اتكلم بثقه مع الموظف ,, ااه صح ,,اخطاء كتير بيقعوا فيها الناس الي بتقدم ! زي ,,انا هقعد 20 يوم سياحه O.o ! فعليا ليا صديق عملها من فتره كبيره وطبعا اخد رفض ,, انا استغربت منه جدا ! قولتلوا ياراجل ياطيب ,,حد يقول رايح سياحه 20 يوم ! ,,مقابلتك ف السفاره مفروض تبقي كالاتي ! لما يسألك الموظف :فتره الاقامه ,,تقوله 3 ايام ,,وتكون حافظ اسم الفندق كويس والمنطقه ,, وترد وانت واثق من نفسك جدا ,,ولو الموظف اقتنع بيك ,,بياخد الباسبور والرسوم ,, مقتنعش بيك ,,بيديك الباسبور ويقولك هنكلمك ,,ودا معناه انك مرفوض بس بشياكه كدا ,, مبيدكش رفض ع الباسبور او اي علامه ولا بياخد منك اي رسوم ,ودي حاجه كويسه وايجابيه جدا :D بنسبه 99% بيدو تاشيرات عادي ,,اسهل سفاره يمكن تدخلها ف حياتك ,, ــــ 3- التصريح الامني: الاول هنتبدي بالطلاب ,, :لازملك دعوه من تركيا ,,سواء دعوه دراسيه او دعوه من واحد مقيم هناك او من شخص تركي ,,وتاخد تاشيره زياره ,, هتصور الباسبور والتاشيره الزياره والدعوه وبتاخد ملف من الموظفه وتملي بياناتك وتستني 3 ايام وتروح تستلم التصريح لو معلكش اي مشاكل او اي حاجه هتاخدها , ثانيا واخيرا برجال الاعمال والموظفين ,,مفيش مشكله ليكم ,,تاخد تاشيره زياره ولا بزنس ولا سياحه ولا دراسه ايا كان ,,هتروح تصور السجل التجاري والبطاقه الضريبه مع صوره للباسبور والتاشيره وبتقدمها للموظفه و3 ايام وتستلم التصريح ,,لو بتشتغل هتحتاج جواب من جهه العمل موجه لمبني التحرير ,,و3 ايام بردو وهتاخد التصريح :D حاجه بعيده حبتين ,,مش احنا الدوله الوحيده الي بتعمل حوار التصريح الامني فيه دول زي اليابان او الصين عامله نفس الموضوع لمواطنيها ف البلاد الي شايفه انها خطره ,, المعلومه دي مخصوص عشان جماعه اللهم هجره :3 ,, المهم نكمل ,, :فيه طريقه تانيه ,,هو انك تروح دوله زي جورجيا ,,ومن هناك تاخدلك طيران لتركيا ,,بنسبه 95 ف الميه ظابط المطار مش هيكلمك ,,الا لو شك فيك بنسبه 1 ف الميه ,,ف هيرجعك ,او يقولك هعديك بس هشطبلك ع تاشيره تركيا وانت الي بتختار بقا ,, وفيه طريقه تالته :تلزق ورقه التاشيره ف الورقه الفاضيه الي قدامها والظابط بشكل عام مش هيلاحظ وهتعدي ,,بس لو لاحظ هتتعلق :D فيه طريقه رابعه :تشيل اللازقه بتاعت التاشيره اساسا وتحطها ع جلده ولما تطلع تلزقها تاني ع الباسبور ,, ـ 4- الاقامه ,,طبعا التاشيره بتبقي ساريه شهر كامل جوا تركيا دا ع الااغلب ,,خليك قاعد مستريح ومريح دماغك لمده 25 يوم ,,بعدين ابقي روح قدم ع الاقامه من خلال حجز موعد ع النت بردو للامنيات وبيدوك 3 شهور عبال ماتروح للانترفيوا ,, ف بتكون مصلحه ليك ,,تقعد تزبط امورك وحياتك ف تركيا ,,قبل الموعد ب اسبوع كدا اعمل التأمين الصحي ع حسب سنك ,,وشوف ارخص المكاتب لان هناك النصابين كتير جدا جدددددددددا ,, :D وشوفلك اي واحد يعملك عقد ايجار ب50 ليره ولا حاجه ,,وتروح توثقه انت ,, وهتاخد الاقامه التركيه عادي بدون حساب بنكي وبدون شهاده اللقب والعك الكتير الي بتقولوا الشركات عشان تاخد منك مبالغ عاليه ,,هتلاقي الحسبه كلها معدتش معاك ال250 دولار ويمكن اقل كمان , انا ع وقتي عملتها ب 150 دولار بس ,, واخدتها ,, *ودي الاقامه السياحيه او الدراسيه * ,,اقامه العمل ليها حاجات تانيه وعك كتيير بس الشركه هيا الي بتعملهالك وبتضمنك وكدا

5- الجنسيه ,, من 5 ل 7 سنين تقدر تقدم ع الجنسيه من خلال اقامه العمل ,, انما الاقامه السياحيه والدراسيه لو قعدت هناك 20 سنه مش هتاخدها والجنسيه التركيه ملهاش قيمه بردو وبتاخد رفض عادي لدخول دول الاتحاد الاوروبي ودول زي كندا وامريكا ,, :D واخرهم صديقي التركي الي روحت اهنيه ع حوار ان خلاص اتشالت التاشيرات من عليهم لدخول الاتحاد الاووربي ,,واليوم دا فرج عليا الكافيه كلوا ضحك لحد ماكان ناقصلوا شويه ويدمع والله :D قالي انت ك تركي عشان تاخد تاشيره لدول الاتحاد الاوروبي ,,مختاج عقود وعقارات وحساب بنكي الخ ,, :D وقالي انا لسا واخد رفض !! ف انا اتعودت كالعاده ان المصرين والعرب بشكل عام كدابين واي اخبار بينقلوها عباره عن وحي خيال وتأليف ف ساعه ملل وفراغ قاتل وعدم مستقبل وعدم وجود هدف الحقيقه للناس دي كالعاده وبيتبعه علطول جماعه اللهم هجره ,, 6- المعيشه هناك نار الحقيقه,,اكتر حاجه غاليه هناك السكن ,,الاكل كمان والمشروبات ,, 7- التوقيت: ناس كتير بتسأل انهي وقت مناسب اني اروح ! ,,دي حاجه انا مقدرش اقولهالك الصراحه ! انا ك واحد من الناس بعشق جو التلج والامطار وبحب الاجواء دي جدا ,,,غيري مبيحبهاش ,,فمش عارف ايه الي ممكن انصحك بيه ! انت الي مفروض تحدد مش انا ,, 8 - التعليم: احسن حاجه هناك عن مصر هوا التعليم ,,ك نضافه واحترام ,,مؤسسه تعليميه ممتازه ,, والموصلات فيها نظام دا الاختلاف الي شفته هناك بس ,, ااه واللبس رخيص :D بس كدا ,,انما من ناحيه البنيه التحتيه والكلام الكتير دا وجنه الله وبتاع ,, كله هري ع الفاضي تركيا عادي زيها زي مصر فيها مناطق حلوه وفيها مناطق تعبانه ,, فيها مناطق مليانه زباله وقرف وشوارع متكسره وبيوت من العصر الحجري وقربت تعفن وفيها مناطق جميله ونضيفه الخ ,,زي مصر عادي ,,فيها كدا وفيها كدا ,, عشان الناس الي بتحب الافوره ف كل حاجه :D 9-دخول تركيا فى الاتحاد الاوروبي: :D وعهد الله ماهتدخلها ,,وعزه جلاله الله ماهتدخلها ,,ورحمه ابويا ماهتدخلها ,,وربنا ماهتدخلها ,,والله كمان ماهتدخلهااااااااااااا مليون سبب يمنع دخولها وهيفضلوا يلفوا حاولين نفسهم ف نفس الدايره وبردو مش هيدخلوها :D

اقرأ البوست الأصلى هنا

#تركيا #تأشيرةتركيا #turkey