Search
ايه اسهل سفاره ناخد منها فيزا شنجن؟
- معتز محمد
- Nov 30, 2016
- 1 min read
في سؤال مكرر بمعدل يومي و هو ايه اسهل سفاره تدي شنجن؟
السؤال ده اتجاوب عليه كتير جدا و هو ان مفيش حاجه اسمها اسهل سفاره ، لو ورقك سليم و في كل المطلوب يبقي كده مش هيفرق معاك هتقدم فين.
في اراء ان فرنسا اسهل و ده راي غلط هو الفكره كلها ان فرنسا مش بتطلب شهاده تحركات فكده انت وفرت مشوار عشان تطلع ورقه و كانت مش بدقق علي الاوراق يعني مش بتعمل تاكيد علي الورق المقدم لكن دلوقتي بعد الحاله الامنيه الغير مستقره فممكن تلاقي انها ممكن تعمل متابعه علي الورق ده عشان تتاكد انه صح خصوصا ان في ناس كتيره بتضرب ورق HR.
في راي تاني غلط انك تطلعها من سفاره قبرص و ده غلط تماما عشان قبرص الفيزا بتاعتها مش بتطلع غير لقبرص فقط.
Comentarios